பில்லி பிஸ்வாஸின் விநோத வழக்கு

அருண் ஜோஷி (1939 -1993) படித்த நகர்ப்புற மாந்தர்களின் வாழ்வைக் கூர்ந்து பார்த்து, அவர்களின் மனச் சலனங்களை அடையாளம் காண முயன்றவர். காசி இந்து பல்கலைக்கழகத் துணைவேந்தராக விளங்கிய டாக்டர் ஏ.சி. ஜோஷியின் மகன் அருண் ஜோஷி. அலகாபாத் பல்கலைக்கழகத்திலும் அமெரிக்காவில் MITயிலும் பயின்றவர். அவர் எழுதியுள்ள நாவல்கள் பல. The Foreigner, The Apprentice, The Last Labyrinth, The City and the River முதலிய பல நாவல்களை எழுதியவர். The Last Labyrinth சாகித்ய அகாதெமி விருது பெற்றது. ஆங்கிலத்தில் எழுதும் இந்திய எழுத்தாளர்கள் வரிசையில் குறிப்பிடத்தக்கவர் அருண் ஜோஷி. தேர்ந்தெடுத்த வாசகர்களே அவரை அறிவார்கள்.