கொஞ்சம் மருத்துவம் நிறைய மனிதன் - பாகம் - 1

மனிதம் இல்லாமல் மருத்துவம் இருக்க முடியுமா? அல்லது மருத்துவம் இல்லாமல் மனிதம் இருக்க முடியுமா? அலையில்லாமல் கடல் இருக்க முடியுமா, அல்லது கடல் இல்லாமல் அலை இருக்க முடியுமா. என்பதற்கு நிகரான கேள்வி. இந்நூலில் ஒவ்வொரு பக்கத்திலும், ஒவ்வொரு வார்த்தையிலும், ஒவ்வொரு எழுத்திலும் மனிதமும், மருத்துவமும் பின்னிப்பிணைந்து இழையோடுகின்றன. நம் மூத்த சகோதரி ஒருவர் திண்ணையில் அமர்ந்து தன் மருத்துவ அனுபவங்களைப் பகிர்வது போன்ற இயல்பான எழுத்து. 'உம்' கொட்டிக்கொண்டு கதை கேட்பதைப் போல சுவாரசியமாக படித்துக்கொண்டே இருக்க முடிகிறது.