இந்திய விடுதலைப் போரட்ட வரலாறு

டாக்டர் க. வெங்கடேசன் தஞ்சை மாவட்டத்தைச் சேர்ந்த சீர்காழியில் பிறந்தார் (1933), இவர் அண்ணாமலைப் பல்கலைக் கழகத்தில் வரலாறு மற்றும் அரசியலில் முதுகலைப் பட்டத்தையும், புதுடெல்லி மிலுள்ள பொது நிர்வாக இந்திய இன்ஸ்டிடூட்டிலிருந்து முதுகலைப் பட்டத்தையும், குஜராத் ஆனந்திலுள்ள சர்தார் பட்டேல் பல்கலைக்கழகத்திலிருந்து டாக்டர் பட்டத்தையும் பெற்றார். கோவை ஸ்ரீராமகிருஷ்ணா வித்யாலயா கிராமியக் கல்லூரி மற்றும் கலைக்கல்லூரியிலும் (1957-77), ராஜபாளையம் ராஜுக்கள் கல்லூரியிலும் (1977-91) வரலாற்றுப் பேராசிரியராகவும், கல்லூரி முதல்வராகவும் பணியாற்றி ஓய்வு பெற்றார். இவர் அக்பர். தற்கால அரசியல் ஆய்வு, உள்ளாட்சி அரசாங்க வளர்ச்சி, இந்திய உள்ளாட்சி அரசாங்கம், அமெரிக்க ஐக்கிய நாடுகளின் வரலாறு, மேலாண்மைத் தத்துவங்கள். அலுவலக நிர்வாகம், வரலாற்று வரைவியல். இந்திய விடுதலைப் போராட்ட வரலாறு, சமகால இந்திய வரலாறு ஆகிய நூல்களை எழுதியுள்ளார். பல வரலாற்று ஆய்வுக் கட்டுரைகளை வெளியிட்டுள்ளார். டாக்டர் பி.எஸ்.சந்திரபிரபு திருநெல்வேலி மாவட்டத்தில், திருவேங்கடம் என்ற கிராமத்தில் பிறந்தவர் (1959), மதுரை காமராசர் பல்கலைக் கழகத்தில் வரலாற்றுத் துறையில் முதுகலை, இளநிலை ஆய்வாளர் மற்றும் டாக்டர் பட்டங்களைப் பெற்றவர். ராஜபாளையம் ராஜுக்கள் கல்லூரியில் பேருரையாளராகப் பணிபுரியும் இவர் ஒரு காந்திய சிந்தனையாளரும், எழுத்தாளரும் ஆவார். இவரது மதுரை காந்தி சுப்பராமன், அ. வைத்தியநாத அய்யர். காந்தி கிராமம் டி.எஸ். சௌந்தரம் போன்ற காந்தியத் தலைவர்களின் வாழ்க்கை வரலாற்று நூல்கள் நல்ல வரவேற்பைப் பெற்றுள்ளன. வரலாற்றுக் கருத்தரங்குகளில் பங்கேற்றுள்ள இவர் பல ஆய்வுக் கட்டுரைகளை வெளியிட்டுள்ளார்.