பணத்தோட்டம்

வட்டிக்கடை நடத்திய நாட்டுக்கோட்டைச் செட்டியார் பர்மா போய்விட்டனர். தங்க நகைமீது மட்டும் கடன் தருவோம் என்று கூறிக்கொண்டு காப்பும் கொலுசும் போட்டுக் கடை நடத்திய வைசியச் செட்டிமார் இருந்ததும் குறைந்து விட்டது. இப்போது வட்டிக்கடைகள் ‘பூட்ஸ்’ அணிந்த அதிகாரிகள் தங்கி வேலை செய்யும் பெரிய ஆபீஸ்களாகிவிட்டன. நாட்டின் பொருள்நிலை உயர்ந்துவிட்டதற்கு இது அறிகுறி. பொன்னைக் கொடுத்துவிட்டு (கடனாகப் பணம் கொடுத்துவிட்டு) மண்ணை (நிலத்தை) வாங்கினேன் என்று புலம்பும் நிலையும், கடனுக்காக நடந்து நடந்து கால் செருப்புதான் தேய்ந்தது என்று கதறும் நிலையும் மாறிவிட்டன. முழுதுமல்ல, ஓரளவுக்குப் பாங்குகள் வளர்ந்ததும், பாதுகாப்புடன் பணத்தைச் சேமித்து வைக்கவும் இடம் கிடைத்தது. கேட்ட நேரத்தில் அதிகத் தொல்லையின்றி வியாபாரம் செய்ய, தொழில் நடத்தப் பணம் தரும் இடமும் ஏற்பட்டது. எனவே பணத்தோட்டங்கள் ஏற்பட்டன