மண்டை ஓடி

ம.நவீன் நல்ல கதை சொல்லி என்பதையும், கதையை எப்படிச் சொல்ல வேண்டும், எந்த மொழியில், எந்த அளவில், சொல்லவேண்டும் என்பதையும் நன்றாக அறிந்தவர் என்று 'மண்டை ஓடி' தொகுப்பு சொல்கிறது. தமிழ்மொழியில் எழுதப்பட்ட நல்ல சிறுகதைத் தொகுப்புகளின் பட்டியலில் 'மண்டை ஓடி'யும் இடம் பெறும். வாழ்வதும் கற்பதும்தான் வாழ்க்கை. இலக்கியப் படைப்பு என்பது நிஜ வாழ்க்கையிலிருந்துதான் வரமுடியும். தான் வாழ்ந்ததை, கற்றதை அலங்காரமில்லாமல், ஜோடனைகள் இல்லாமல், வெற்று வார்த்தை சேர்க்கைகள், போதனைகள் இல்லாமல் வாழ்வனுபவமாக கதைகளைத் திறம்பட, மேம்பட எழுதியிருக்கிறார் ம.நவீன்.

இமையம்