மந்திரப் புன்னகை

மரணத்தைக் கடந்து நிற்கும் தாய்மை!

அதர்மத்தைச் சுட்டெரிக்கும் அரூபக் காவல்!

செஃப் ராஜேஷின் உலகம் அவனுடைய இரு பிள்ளைகளான பூர்ணிமா மற்றும் அவினாஷை மட்டுமே சுற்றிச் சுழல்கிறது. ஆட்டிசக் குறைபாடுள்ள பூர்ணிமாவின் எதிர்காலத்திற்காகப் போராடும் அவனது எளிய வாழ்க்கையில், அதிகார வர்க்கத்தின் சதியால் எதிர்பாராத ஒரு புயல் வீசுகிறது. செய்யாத குற்றத்திற்காகச் சிறைவாசம், துரத்தும் கொலையாளிகள் என ராஜேஷின் குடும்பம் நிலைகுலைகிறது. மறுபுறம், நேர்மையான எஸ்பி பிரஜின் மற்றும் டாக்டர் மல்லிகாவைச் சுற்றிலும் கொடூரமான ஆபத்தின் வலை பின்னப்படுகிறது. பண பலமும் ஆள் பலமும் கொண்ட அமைச்சரின் கூலிப்படை, 'நிர்மலா அப்பார்ட்மெண்ட்ஸ்' குடித்தனக்காரர்களை அழிக்க வியூகம் அமைத்து நிற்கும்போது, அவர்களுக்குக் காத்திருந்தது ஒரு பேரதிர்ச்சி! உயிரோடு இருந்த போது குடும்பத்தைக் காத்து நின்ற சரோஜினி, அவள் இறந்த பிறகும் தன் கணவனையும் பிள்ளைகளையும் காக்க ஓர் உக்கிரமான 'பிரேதாத்மா'வாக உருவெடுத்து நிற்கிறாள். பஞ்ச பூத எல்லைகளையும் கடந்து, தன் குடும்பத்தை அச்சுறுத்தும் ஒவ்வொரு எதிரியையும் வேட்டையாடும் அந்தத் தாயின் ஆக்ரோஷத்திற்கு முன் அதர்மம் வீழ்ந்ததா? அமானுஷ்யத் திகில், குற்றப் பின்னணி, செஃப்'பின் சமையல் கலை மற்றும் மனிதநேயத்தின் பேரன்பு ஆகியவை ஒன்றுடன் ஒன்று பின்னப்பட்ட, ஒரு விறுவிறுப்பான குடும்பத் த்ரில்லர் நாவல்!