மாடித் தோட்டம்

மாடித் தோட்டம் என்பது இன்று வளர்ந்து வரும் ஒரு தொழில்நுட்பம் ஆகும். இதன் மூலம் மக்களிடம் நல்ல உடல்நலமிக்க காய்கறிகள் கிடைக்க வாய்ப்பு ஏற்படும். இதன் மூலம் நஞ்சில்லாத உணவுப் பழக்கம் பெருகும். பொருளாதார வகையில் பார்த்தாலும் ஒரு வருமானம் தரும் தொழிலாகவும் இதைப் பார்க்க முடியும். இந்நூலை உருவாக்கிய நண்பர் குபேரன் மிகக் கடினமாக உழைத்து நூலை ஆக்கியுள்ளார். இதில் மாடித்தோட்டம் பற்றிய பல நுட்பங்களை விளக்கியுள்ளார். பொதுவாக வீடுகளில் இருப்பவர்கள், பெரியவர்கள் மட்டுமல்லாது அலுவலகம் செல்வேர்களும் மாடித்தோட்டம் போடுவதில் கவனம் செலுத்தலாம். இதனால் உடலுக்கு நல்லதொரு பயிற்சியும் கிடைக்கிறது. விதைகள் சேகரிப்பையும், சில அடிப் படையான கரைசல் தயாரிப்பு முறைகளையும் தெரிந்து வைத்துக்கொண்டால் எவ்வித சிரமமும் இல்லாமல் காய்கறிகளை உருவாக்கலாம். மாடிகளில் வெயில் நேரங்களில் சிறு நிழல் வலைகள் அமைத்துக் கொண்டால் விளைச்சல் குறைவுபடாது. ஆக இந்த சிறுநூலைப் பயன்படுத்தி நன்மை அடையுமாறு வேண்டுகிறேன்.