மெக்காலே பழமைவாதக் கல்வியின் பகைவன்

இந்தியக் கல்வி வரலாற்றில் மிக அதிகமாக விமர்சிக்கப்படும், அதே சமயம் விவாதிக்கப்படும் ஒரு பெயர் 'தாமஸ் பாபிங்டன் மெக்காலே' (Thomas Babington Macaulay). பொதுவாக, "இந்தியர்களின் பாரம்பரியக் கல்வியை அழித்தவர்", "குமாஸ்தாக்களை உருவாக்கும் கல்வியைத் தந்தவர்", "ஆங்கிலத்தைத் திணித்தவர்" என்றெல்லாம் மெக்காலே மீது குற்றச்சாட்டுகள் முன்வைக்கப்படுவது வழக்கம். ஆனால், அந்தக் குற்றச்சாட்டுகளுக்குப் பின்னால் இருக்கும் அரசியல் என்ன? மெக்காலேவின் வருகைக்கு முன்பு இங்கு இருந்த கல்வி முறை உண்மையில் அனைவருக்கும் பொதுவானதாக இருந்ததா? போன்ற கேள்விகளை அறிவியல் பூர்வமாகவும், வரலாற்றுச் சான்றுகளுடனும் அணுகுகிறது முனைவர் இரா. சுப்பிரமணி அவர்கள் எழுதியுள்ள இந்த நூல்.