போராடுகிறது புத்தகம்

கவிதாயினி விஜயலட்சுமி தங்கமுத்து அவர்களின் போராடுகிறது புத்தகம் ஓர் ஆகச் சிறந்த படைப்பு... அனைத்துக் கருத்துகளையும் இந்த ஒற்றை நூலில் புகுத்தி படிக்கின்ற ஒவ்வொருவரையும் தன் படைப்புலகத்திற்குள் அழைத்துச் செல்கின்றார். கோவில், பக்தன், மலர், தந்தை, காதல், அழுகை எனப் பல்வேறு முகங்களை அந்தப் படைப்புலகத்திற்குள் காட்சிப் படுத்துகிறார். படிப்பதற்கு எளிமையாகவும், சிந்திப்பதற்கு வலிமையாகவும், படைக்கப்பட்டிருக்கின்ற இந்த நூல் நம்மையும் மாற்றுவதற்குப் போராடுகின்ற புத்தகமாக நிமிர்ந்து நிற்கிறது. கவிஞர் விஜயலட்சுமி தங்கமுத்து அவர்களின் இந்தப் படைப்பு மாபெரும் வெற்றியடையவும் இதைப் போன்ற பல நூல்களை இந்தத் தமிழ் கூறும் நல் உலகில் வாரி வழங்கவும் எனது மனமார்ந்த வாழ்த்துக்களைத் தெரிவித்துக் கொள்கின்றேன். தமிழ் போல் வாழ்க! தமிழ் போல் வளர்க! -பாவலர் சு. சோலைராஜா