இனியவை இனியவை இறையன்பு

இறையன்புவின் எல்லா நூல்களுமே இனியவற்றைச் சொல்வன. இதில் எனக்கு இனித்தவை இவைமட்டும்தான் என்று என்னால் சொல்லமுடியாது. அத்தனை தொகுதிகளையும் அள்ளிக் கொண்டு போய் வீட்டு நூலகத்தில் வைத்துப் படிக்கலாம்; ஏதேனும் ஒரு பயணத்திலோ அல்லது உடனே படிக்க அலுவலக மேஜையிலோ வைத்துக் கொள்ள ஒரு நூல் தேவைப்பட்டால் இந்த நூல் பயன்படும்; அவ்வளவுதான். ஒரு பெருநகரத்தின் விஸ்தீரணத்தை ஒரு சிறிய வரைபடம் காட்டுவது போல, இறையன்புவின் படைப்பு ஆளுமைக்கான அறிமுகத்தை இச்சிறுநூல் வழங்கலாம்.