கலைஞரின் இந்தி எதிர்ப்புப் போராட்டம்

இந்தி எதிர்ப்பு என்பது எப்போதோ வந்துபோகும் வால் நட்சத்திரமன்று. கடந்த அரை நூற்றாண்டுக் காலமாகத் தமிழர்களின் இரத்த ஓட்டத்தில் அது சூடேற்றும் புகை மூட்டமாக இருந்து வருகிறது. சூரிய மறைவுக்குக் காத்துக் கிடக்கும் பனி மூட்டத்தைப் போன்று திராவிட இயக்கத்தின் தளர்ச்சிக்காகக் காத்திருந்து தலை நீட்டுவதும், எதிர்ப்பு வந்தால் தலைதெறிக்க ஓடுவதுமாக இந்தி மொழி ஆதிக்கம் கண்ணாமூச்சி ஆடிக்கொண்டிருக்கிறது. அதற்கு முற்றுப்புள்ளி வைக்கும் போராட்டங்களில் முன்வரிசையில் நின்று வரும் கலைஞரின் பங்கு பற்றிய ஆய்வே இந்நூலாகும்.