கண்ணன் என் கண்ணின் உளானே

பேராசிரியர் ம.பெ.சீ.அவர்களின் வண்டாடப் பூ மலர(2013) பேச்சில்லாக் கிராமம் (2021) ஒருபாட்டம் மழை(2023) என்னும் சிறுகட்டுரை நூல்களின் வரிசையில் வாசகர் முன் வந்து நிற்கும் மற்றொரு நூல், 'கண்ணன் என் கண்ணின் உளானே. இந்நூற் கட்டுரைகள் முப்பதும் தப்பாமல் படித்தற்குரிய சிறப்பு மிக்கவை. சங்கநூல் கற்றவராக, ஆழ்வார் பாசுர அறிஞராக, சொல்லின் நுட்பம் கண்டுணர்த்தும் சுவைஞராக, நாட்டார் வழக்காற்றியல் அறிந்தவராகப் பேராசிரியர் ம.பெ.சீனிவாசன் விளங்குகிறார். இதற்கு இந்நூலின்கண் உள்ள கட்டுரைகளே சான்று. 'கண்ணன் என் கண்ணின் உளானே' என்னும் இக்கட்டுரைத் தொகுப்பு, இவரின் பிற நூல்களைப் போலவே வாசகர்களால் விரும்பிப் பயிலப்படும் என்பதில் ஐயமில்லை. - முனைவர் ப.திருஞானசம்பந்தம்.