நந்தலாலா திரைக்கதை

நந்தலாலா திரைக்கதை

என்னைப்போல் உங்களுக்கும் மிஷ்கினின் ‘நந்தலாலா’ பிடித்திருந்தால் அதன் திரைக்கதையைப் படிக்க நீங்கள் மிகவும் விரும்புவீர்கள்.

                                                                                                      -மணிரத்னம்

மெதுவாக நகரும் படம் ‘நந்தலாலா’. நுணுக்கங்களை அறிய ஆவல் கொள்ளும் மனத்துடன்தான் அதை நாம் பார்க்கவேண்டும். எளிமையான அணுகுமுறைகொண்ட, மகிழ்ச்சி தரும் இந்த திரை அனுபவம் லெனார்டோ டாவின்சி சொன்னதுபோல் எளிமைதான் உன்னதமான பண்பு என்பதை உணர்த்துகிறது.

                                                                                                        -பி.சி.ஸ்ரீராம்

அம்மா

கூழாங்கல்

நீருக்குள் அசையும் புற்கள்

எனக்கு இதுதான் நந்தலாலா

                                                                                                              -செழியன்

அகிரா குரசோவா எனும் அரிய மேதையின் வழியில் தனது தேடலை அமைத்துக்கொண்ட மிஷ்கினின் ஓயாத கலைவேட்கை ஊடுபாவும் ஒத்தையடிப்பாதையில் இளைப்பார ஒதுங்குகிறது. அவர் அங்குள்ள தகேஷி கிட்டானோ எனும் ஓடையில் கிகுஜிரோ எனும் ஊற்றின்முன் நீர்பருக கையேந்துகிறார். வழிந்தோடும் தண்ணீரில் தனது வாழ்வின் மையத்தில் உள்ள தணியாத தாகத்திற்கான தோற்றுவாயைக் கண்டடைகிறார். மிஷ்கின் தனக்கேயுரிய சினிமொழியின் மூலம் கிட்டானோவின் ஒத்தையடிப்பாதையை தொடர்ந்து தீட்டியிருக்கும் ஓவியம்தான் ‘நந்தலாலா’. அமெரிக்க (ஜான் போர்டின்) வெஸ்டர்ன்ஸின் தாக்கத்தைப் பற்றிக் கூறும் குரசோவா வாழ்வனுபவமாக உருப்பெறும் சினிமாவிலிருந்து முளைவிடும் கலையனுபவத்தை தனது மண்ணின் மணத்தோடு பயிர்செய்வது நமக்களித்த கொடைதான் செவன் சாமுராய். அஞ்சலி எனும் பணிவுடன் தனித்துவம் நிறைந்த கலையனுபவமாக நம் முன் விரிகிறது ‘நந்தலாலா’. மிஷ்கினின் படங்களில் ‘நந்தலாலா’ நிகரற்ற அனுபவம். தடம் தடமாக கால் பதித்து ஒரு நெடுஞ்சாலையை ஒத்தையடிப்பாதையாக்கும் ரசவாதம்.

                                                                                                           -சொர்ணவேல்