வீ அட் நாம்

அருணா ராஜ், சென்னை ராயப்பேட்டை அரசு மருத்துவமனையில் பணியாற்றும் பல் மருத்துவர். மருத்துவப் பணிக்கு இணையாக எழுத்துலகிலும் தனக்கென ஒரு தனித்துவமான பாணியை உருவாக்கியவர். 'கருப்பி' சிறுகதையில் தொடங்கிய இவரது எழுத்துப் பயணம், 'இரண்டாவது புத்தகம்' (அனுபவக் கட்டுரைகள்), 'அருணா இன் வியன்னா' (ஐரோப்பிய பயணக் குறிப்புகள்), 'காஃபி 2.0' (சிறுகதைத் தொகுப்பு), மேகி தேசம் (காஷ்மீர் பயண அனுபவம்) எனத் தொடர்ந்து வாசகர்களின் பரவலான கவனத்தைப் பெற்றது. இவரது ஆறாவது படைப்பான ‘வீ அட் நாம்', தன் தோழிகள் பவித்ரா, பாரதி, ப்ரசன்னா, ஸ்வர்ணா ஆகியோருடன் இணைந்து மேற்கொண்ட வியட்நாம் பயணத்தின் சுவாரஸ்யமான அனுபவப் பதிவு. தன் மருத்துவப் பணிக்கு மத்தியிலும், எழுத்தின் வழியே உலகை ஆராய்ந்து அதன் வண்ணங்களை வாசகர்களுடன் தொடர்ந்து பகிர்ந்து வருகிறார் அருணா ராஜ்.