உறைநிலைக்கு கீழே

இவருடைய கவிதைகளில் தென்படும் மானுடம் மீதான அக்கறை வெகுசில கவிஞர்களிடம் மட்டுமே காணக்கிடைப்பது எனக்குறிப்பிடும் சபரிநாதன் இக்கவிதைகளை ஒரு வேலையாக அல்லாமல் அவரை மொழிபெயர்க்க வேண்டும் என்கிற உத்வேகத்தினால் தூண்டப்பட்டு மொழிபெயர்த்திருக்கிறார். மொழியாக்கத்தை 'சமரசங்களின் கலை', 'தோல்வியுறும் தொழில்', 'படைப்புச் செயல்பாட்டின் ஆனந்தம் கிட்டாத வேலை' என்றெல்லாம் பலவாறு கூறிக் கொண்டபோதிலும் மிகவும் அனுபவித்து, ரசித்து, இம்மொழிபெயர்ப்பு நூலை உருவாக்கி தந்திருக்கிறார் சபரிநாதன். முன்னுதாரணமான தொகுப்பு.