காட்டுத் தாத்தா

பூபதி பெரியசாமி இதுவரை ஏழு சிறுகதைத் தொகுதிகளை வெளியிட்டுள்ளார். அவற்றுள் இது மூன்றாவது சிறார் கதைத்தொகுப்பு. பிரபல இதழ்களில் வெளியான இக்கதைகளில் உண்மையும் கற்பனையும் கலந்த சுவாரஸ்யம் உள்ளன. கருத்துக்களம். நிகழ்வுகள் நடக்கும் இடங்கள், அவற்றைக் காட்சிப்படுத்திய விதம் போன்றவை சற்றே புதியது. குழந்தைகள் உலகில் குழந்தையாகவே சென்று 'ஹைய்யா' என்று குதூகலித்தும், ஏன் எதற்கு -எப்படி? என்ற கேள்விகளையும் கேட்கிறார். வழக்கமான சிறுகதைகள் போல இறுதியில் 'இதனால் அறிப்படும் நீதியாதெனின்' என்று ஆசிரியர்போல் பாடம் எடுக்கும் த்வனியைச் சற்றே குறைத்துக் குழந்தைகளின் சிந்தனையை மேலேற்ற முயல்கிறார். ஓரிரு கதைகள் வழியே அவர்களுக்கான புதிய சாளரங்களைத் திறந்தும் வைத்துள்ளார். சில கதைகளின் கடைசி வரிகள் எளிமையாய் சாதுவாய் நின்றாலும் அவைகள் கவித்துவ மினுக்கம் கொள்வதையும் கண்ணுற முடிகிறது